तुम्ही 9वी किंवा 10वीत आहात? मग तुम्हालाही मिळू शकतात 75,000 रुपये (PM Yashasvi Scholarship Yojana)

विद्यार्थी मित्रांनो तुम्ही देखील कधी ना कधी अवकाशामध्ये उंच भरारी घेण्याचं स्वप्न पाहिलाच असेल पण अनेकदा परिस्थिती अशी असते की आपल्या पंखांमध्ये बळ असून सुद्धा केवळ आर्थिक अडचणींमुळे ही भरारी घेता येत नाही. आणि महत्त्वाचं म्हणजे आजच्या महागाईच्या काळामध्ये शिक्षण शाळेची फी तसेच इतर खर्च या गोष्टींचा जर विचार केला तर अनेक हुशार विद्यार्थ्यांच्या आणि त्यांच्या पालकांच्या कपाळावर या आळ्या पडतात. म्हणजेच पुढचं शिक्षण कसं होईल हा प्रश्न अनेक गुणवत्ताधारक मुलांच्या स्वप्नांच्या आड येतो.

पण विद्यार्थी मित्रांनो आता तुम्ही काळजी करू नका कारण केंद्र सरकार मार्फत अशा गरजू विद्यार्थ्यांसाठी प्रधानमंत्री यशस्वी स्कॉलरशिप योजना सुरू करण्यात आली आहे आता ही योजना फक्त एक शिष्यवृत्ती नसून तर ती तुमच्या शिक्षणातील आर्थिक अडचणी दूर करण्यासाठी सुरू करण्यात आली आहे तुम्हाला यशाच्या शिखरावर नेणारा एक भरभक्कम आधार म्हणजे प्रधानमंत्री यशस्वी स्कॉलरशिप योजना आहे आता जर तुम्ही ओबीसी (OBC), ईबीसी (EBC) किंवा डीएनटी (DNT) प्रवर्गातील असाल, तर ही माहिती तुमच्यासाठी ‘गेम चेंजर’ ठरू शकते.

तर आजच्या लेखाच्या माध्यमातून आपण प्रधानमंत्री यशस्वी स्कॉलरशिप योजनेबद्दल सविस्तर माहिती घेणार आहोत म्हणजेच ही योजना नेमकी काय आहे याचा फायदा कोणाला मिळणार आहे आणि या योजनेसाठी अर्ज कसा करावा या सर्व प्रश्नांची उत्तरे आज आपण सोप्या भाषेमध्ये जाणून घेणार आहोत तर मग चला सुरू करूया.

PM Yashasvi Scholarship Yojana

मुद्दा	तपशील
योजनेचे नाव	PM YASASVI (PM Young Achievers Scholarship Award Scheme for Vibrant India)
संबंधित विभाग/मंत्रालय	सामाजिक न्याय आणि अधिकारिता मंत्रालय (Ministry of Social Justice and Empowerment), भारत सरकार
लाभार्थी वर्ग	ओबीसी (OBC), आर्थिकदृष्ट्या मागास (EBC) आणि विमुक्त जाती/भटक्या जमाती (DNT) चे विद्यार्थी
पात्रता इयत्ता	इयत्ता 09 वी आणि 11 वी चे विद्यार्थी
अर्ज पद्धत	फक्त ऑनलाइन (Online Mode)
अधिकृत वेबसाईट	https://yashasvi.aicte.gov.in/

PM Yashasvi Scholarship Yojana काय आहे?

तर विद्यार्थी मित्रांनो प्रधानमंत्री यशस्वी स्कॉलरशिप योजना ही केंद्र सरकारच्या सामाजिक न्याय आणि सक्षमीकरण मंत्रालयाने सुरू केलेले अत्यंत महत्त्वाची शिष्यवृत्ती योजना आहे या योजनेचे पूर्ण नाव PM Young Achievers Scholarship Award Scheme for Vibrant India (YASASVI) असे आहे.

तर बघा आपल्या देशामध्ये अनेक असे विद्यार्थी आहेत ज्यांच्याकडे प्रचंड बुद्धिमत्ता असून देखील ते पैशांच्या अभावी चांगल्या शाळेमध्ये किंवा कॉलेजमध्ये शिक्षण घेऊ शकत नाही विशेष म्हणजे विशेषतः इतर मागासवर्गीय (OBC), आर्थिकदृष्ट्या मागास (EBC) आणि विमुक्त व भटक्या जमाती (DNT/SNT) या प्रवर्गातील विद्यार्थ्यांना दर्जेदार शिक्षण मिळावे, यासाठी ही योजना सुरू करण्यात आली आहे. आता सोप्या भाषेत सांगायचं झालं तर हुशार विद्यार्थ्यांना त्यांच्या शिक्षणासाठी पैशांची काळजी करावी लागू आहे म्हणून केंद्र सरकारने हे महत्त्वाचे पाऊल उचलले आहे.

PM Yashasvi Scholarship 2026: पात्रता निकष

• अर्जदार विद्यार्थी या भारताचा नागरिक असावा.
• अर्जदार विद्यार्थ्याकडे भारताचे कायमस्वरूपी रहिवासी प्रमाणपत्र असावे.
• अर्जदार विद्यार्थी OBC, EBC, DNT प्रवर्गातील असणे आवश्यक आहे.
• अर्जदार विद्यार्थ्यांच्या कुटुंबाचे वार्षिक उत्पन्न म्हणजे सर्व स्तोत्र मिळून अडीच लाखापेक्षा जास्त नसावे.
• हे शिष्यवृत्ती प्रामुख्याने इयत्ता नववी ते अकरावीच्या विद्यार्थ्यांसाठी सुरू करण्यात आली आहे.
• अर्जदार विद्यार्थी ज्या शाळेमध्ये शिकत आहे ती शाळा सरकारने या योजनेसाठी निवडलेल्या टॉप क्लास स्कूल या यादीत असावी. (आता ही यादी अधिकृत वेबसाईट वरती उपलब्ध असते)
• पूर्वी यासाठी प्रवेश प्रक्रिया घेतली जात होती परंतु आता नवीन अपडेट नुसार गुणवैत्याच्या आधारावरती विद्यार्थ्यांची निवड केली जाते.
• अर्जदार विद्यार्थ्यांचे बँक खाते आधार कार्ड सोबत लिंक असणे अनिवार्य आहे.
• आणि महत्त्वाचं म्हणजे मुले आणि मुली दोघेही या योजनेचा लाभ घेऊ शकतात.

शिष्यवृत्तीची रक्कम (Scholarship Amount): कोणाला किती पैसे मिळणार?

• जर विद्यार्थी इयत्ता नववी मध्ये शिकत असेल तर अशा विद्यार्थ्यांना प्रत्येक वर्षाला जास्तीत जास्त ₹ ७५,०००/- (पंच्याहत्तर हजार रुपये) पर्यंत शिष्यवृत्ती दिली जाते.
• आणि जर विद्यार्थी अकरावी मध्ये शिकत असेल तर अशा विद्यार्थ्याला जास्तीत जास्त ₹ १,२५,०००/- (एक लाख पंचवीस हजार रुपये) पर्यंत शिष्यवृत्ती दिली जाते.

Mode of Payment – DBT

• शिष्यवृत्ती मंजूर होताच शिष्यवृत्तीची रक्कम थेट विद्यार्थ्यांच्या बँक खात्यामध्ये जमा केली जाते आणि या प्रक्रियेला डायरेक्ट बेनिफिट ट्रान्सफर असे म्हणतात.
• पैसे मिळवण्यासाठी विद्यार्थ्यांचे बँक खाते आधार कार्ड सोबत लिंक असणे महत्त्वाचे आहे.
• आणि पैसे ट्रान्सफर होण्याच्या प्रक्रियेमध्ये कोणताही व्यक्ती मध्यस्थी नसतो त्यामुळे विद्यार्थ्याला पूर्ण पैसे मिळतात.

PM Yashasvi Scholarship 2026: कागदपत्रांची चेकलिस्ट

• आधार कार्ड
• उत्पन्नाचा दाखला
• जातीचा दाखला
• इयत्ता ९ वी साठी अर्ज करत असल्यास: ८ वी पास गुणपत्रक.
• इयत्ता ११ वी साठी अर्ज करत असल्यास: १० वी पास गुणपत्रक.
• बँक पासबुक 
• बोनाफाईड प्रमाणपत्र
• Passport Size Photo
• रहिवासी दाखला
• दिव्यांग प्रमाणपत्र

एक महत्वाची टीप: सर्व कागदपत्रे PDF किंवा JPG फॉरमॅटमध्ये (सांगितलेल्या साईजमध्ये) स्कॅन करून ठेवा, जेणेकरून फॉर्म भरताना वेळ वाया जाणार नाही.

PM Yashasvi Scholarship: ऑनलाईन अर्ज कसा करावा? (Step-by-Step Guide)

1. तुम्हाला जर या स्कॉलरशिप साठी अर्ज करायचा असेल तर सर्वात आधी National Scholarship Portal (NSP) च्या अधिकृत वेबसाईटला भेट द्या scholarships.gov.in किंवा योजनेच्या विशिष्ट पोर्टलला yet.nta.ac.in देखील तुम्ही भेट देऊ शकता.
2. आणि जर मित्रांनो तुम्ही पहिल्यांदा अर्ज करत असाल तर अर्ज करण्यासाठी वेबसाईटच्या होमपेज वरती New Registration या पर्यायावर क्लिक करा.
3. त्यानंतर येथे तुमचे नाव आधार कार्ड क्रमांक मोबाईल नंबर आणि कॅटेगिरी ची मूलभूत माहिती भरून व्यवस्थित रित्या नोंदणी करा.
4. नोंदणी पूर्ण झाल्यावर ती तुम्हाला एक Application ID आणि Password मिळेल तो जपून ठेवा.

लॉग-इन करा (Login)

1. आता तुम्हाला मिळालेला Application ID आणि Password वापरून पोर्टल वरती लॉगिन करा.
2. आता तुमच्या डॅशबोर्ड वरती प्रधानमंत्री यशस्वी स्कॉलरशिप योजना हा पर्याय दिसेल तो निवडा.
3. त्यानंतर तुमच्यासमोर एक नवीन फॉर्म ओपन होईल त्यामध्ये तुमची वैयक्तिक माहिती शाळेची माहिती पालकांचे उत्पन्न आणि तुमचा पत्ता हा अचूक रित्या भरा.
4. फॉर्म भरून झाल्यानंतर आपण वर पाहिलेली सर्व आवश्यक कागदपत्रे व्यवस्थितरित्या स्कॅन करून अपलोड करा. आणि महत्त्वाचं म्हणजे कागदपत्रे स्पष्ट दिसत आहे की नाही याची खात्री नक्की करा अन्यथा तुमचा अर्ज रिजेक्ट केला जाऊ शकतो.
5. सर्व माहिती भरून झाल्यानंतर Preview या बटन वरती क्लिक करा आणि काही चूक असल्यास लगेच दुरुस्त करा.
6. आता सर्व बरोबर असल्यास submit या बटन वरती क्लिक करा.

महत्त्वाचे म्हणजे अर्ज सबमिट झाल्यावर त्याची Print किंवा PDF सेव्ह करून ठेवा. भविष्यात तुम्हाला याची गरज लागू शकते. तसेच अर्ज करताना तुम्ही जर मोबाईल नंबर वापरत आहात आणि जो तुमच्याकडे असेल तोच द्या कारण अर्जाचे स्टेटस आणि ओटीपी त्याच मोबाईल नंबर वरती येतो.

PM Yashasvi Scholarship 2026: महत्वाचे अपडेट्स (Latest Updates)

महत्वाची टीप: २०२५-२६ या शैक्षणिक वर्षासाठी ‘Top Class School’ शिष्यवृत्तीचे अर्ज भरण्याची मुदत १५ नोव्हेंबर २०२५ रोजी संपली आहे (काही ठिकाणी ती वाढवून दिली जाते, त्यामुळे पोर्टल चेक करत राहावे). मात्र, ‘Top Class College Education’ (महाविद्यालयीन विद्यार्थी) साठी अर्जाची मुदत १५ डिसेंबर २०२५ पर्यंत होती. पुढील संधी: ज्यांना यावर्षी अर्ज करता आला नाही, त्यांनी पुढील वर्षी जून-जुलै २०२६ मध्ये नवीन अर्ज सुरू होताच त्वरित अर्ज भरावा.

Help & Contact Details

संपर्क माध्यम	तपशील
हेल्पलाइन नंबर (NSP)	0120 – 6619540 (सकाळी 8 ते रात्री 8)
ईमेल आयडी	helpdesk@nsp.gov.in
संबंधित विभाग	सामाजिक न्याय आणि सक्षमीकरण मंत्रालय, भारत सरकार
पत्ता	शास्त्री भवन, डॉ. राजेंद्र प्रसाद रोड, नवी दिल्ली – 110001

वारंवार विचारले जाणारे प्रश्न (FAQs)